Shumë e bukur dhe dekorative: Një lule që mbillet vetëm një herë!

Gjithmonë e ka pasur një vend në kopshtet e vjetra, sepse “ha” barërat e këqija

Aquilegia (lulja columbine) është një nga “rebelet” më të famshme të luleve. Ato janë bimë me lule që riprodhohen përmes farave.

Është rritur në kopshtet rurale që në Mesjetë si një bimë dekorative kopshti, sepse lulet janë shumë dekorative në formë gëmushash të mëdha.

Mund ta kultivoni në vazo të zakonshme dhe vazo të mëdha në tarraca dhe ballkone, transmeton Telegrafi.

Aquilegia arrin një lartësi prej 15 deri në 20 cm, të formës së gëmushës.

Lulet e saj janë të vogla, të mbledhura në tufë lulesh – fshesë. Ato mund të jenë të verdha, të bardha, vjollcë ose të kuqe, ndonjëherë edhe me dy ngjyra.

Majat e kësaj luleje janë në formë zileje me fletë të përkulura në formë gote. Ndërsa riprodhohet vetë, mund të përdoret gjithashtu për kontrollin e barërave të këqija.

Lulëzon në maj dhe qershor dhe lajmëron ditë të nxehta. Kur kalon koha e lulëzimit, aquilegia zhduket, por lë pas shumë fara. Aquilegia është një lule që nuk mban erë, por duket shumë bukur dhe është dekorative.

Për të kultivuar me sukses Aquilegia, duhet t’i sigurojmë asaj tokë neutrale ose acidike, e cila është mirë e përshkueshme, ranore dhe humusore.

Mjafton të ujitet rregullisht dhe e vetmja gjë që duhet pasur parasysh është që fidanët të mos mbillen shumë afër, sepse do të vilen shpejt. Riprodhohet shumë mirë me fara, të cilat mbillen në pranverë ose në vjeshtë.

Kjo lule lulëzon ditëve të ftohta, megjithëse mund të rritet bukur edhe në diell, kështu që përdoret për kopshte prej guri si zbukurim. Përdoret edhe si lule e prerë, sepse buqeta mund të qëndrojë e bukur dhe e freskët deri në një javë. /Telegrafi/