Shtrenjtohet memoria

Simon Chen, drejtori i kompanisë ADATA Technology, njërit nga prodhuesit më të mëdhenj tajvanez të memorieve, tha se ndikimi i prodhimit të zvogëluar të DRAM-it respektivisht të memories punuese për kompjuter në shfrytëzuesit e fundmë do të reflektohet në fillimin e vitit të ardhshëm.

Prodhimi i zvogëluar këtë vit do të nxis prodhuesit e kompjuterëve që vitin e ardhshëm, por edhe tregtarët me shumicë që të përtërijnë stoqet që do të shkaktoj rritjen e çmimeve.

Chen gjithashtu mendon se popullariteti i ultrabookëve gjatë gjysmës së parë të vitit do të shkaktoj uljen e kërkesës për memorie, por ky efekt pritet të kompensohet me rritjen e tregut të serverëve të cilët po e mbështesin trendin e afarizmit në re. Nga ana tjetër, Chen mendon se ultrabookët gjatë gjysmës së dytë të vitit të ardhshëm do të bëhen shumë më të popullarizuar që do të ndikoj në rritjen e kërkesës për memorie. Arsyeja për popullaritetin është rënia e çmimit të portativëve të këtillë në nivelin prej rreth 600 dollarësh dhe paraqitja e Windows 8 i cili do të shitet me kompjuterët e rinj. /Telegrafi/