Shkoi për të vizituar vëllanë, pitoni mbyt indonezianen – e gëlltit të tërën

Një burrë nga Indonezia mbeti i tmerruar kur zbuloi të martën se një gjarpër gjigant në xhungël, ia kishte “gëlltitur” gruan.

Nëna e pesë fëmijëve, Siriati, 36-vjeçe, po vizitonte vëllanë dhe kishte dalë në qytet për të blerë ilaçe në Luwu Regency në jug të Sulawesit kur ndodhi më e keqja, transmeton Telegrafi.

Por asaj i doli përpara një piton afro dhjetëra metra, i cili ia nguli dhëmbët e mprehtë në këmbë dhe e tërhoqi zvarrë në xhungël.

Reptili më pas u mbështoll në trupin e saj, duke e ngufatur deri në vdekje. Sikur kjo të mos mjaftojë, ai filloi ta gëlltisë.

Bashkëshorti i saj, Adiansa, filloi të brengoset kur vëllai i saj i telefonoi dhe ia bëri me dije se nuk kishte arritur në apartamentin e tij.

Kështu filloi rrugëtimin në lagjen ku ajo e vizitoi dhe gjeti sandalet e saj në një zonë të gjelbëruar.

Ajo çfarë e habiti me së shumti në ato momente ishte gjarpri gjigant, që doli para tij dhe kishte barkun e fryrë.

Adiansa mori një armë të ftohtë për ta mbytur gjarprin, duke e goditur me shkop të drurit.

I telefonoi fshatarëve që ta ndihmojnë që t’ia presë barkun reptilit, ku arritën të gjejnë trupin e pajetë të Siriatit. /Telegrafi/