Shkoi në sallon ondulimi, gruaja nga Turkmenistani rrihet brutalisht nga bashkëshorti

Një video rrëqethëse shfaq momentin kur një burrë humb kontrollin kur kupton se gruaja e tij kishte shkuar në sallon ondulomi, dhe pa u menduar dy herë filloi ta godasë pamëshirshëm në prezencën e grave tjera.

Dhuna ndaj grave në Turkemnistan nuk ka të ndalur, vend ky që dikur ishte pjesë e Bashkimit Sovjetik, transmeton Telegrafi.

Madje siç raporton Daily Mail, burrat në këtë vend mund të dënohen nëse gratë e tyre bëjnë tretmane kozmetike nëpër sallone të ndryshme të bukurisë.

Qeveria e këtij vendi ka rritur dukshëm kontrollin mbi të drejtat e grave, që kur presidenti i ri Serdar Berdymukhammedov erdhi në pushtet në mars të këtij viti – e sipas vëzhguesve ndërkombëtare ato nuk ishin të lira dhe të drejta.

Turkmenistani sipas OJQ-ve, cilësohet si një vend që vuan nga korrupsioni dhe vazhdimisht bëhet thirrje për më shumë transparencë.

Në prill, policia arrestoi dhjetëra gra në rrugë që bartnin thonjtë dhe qerpik të mbjellur, dhe që kishin aksesorë të ndryshëm.

Ata madje janë vazhdimisht në kërkim të atyre grave që kanë fryrë buzët dhe ndërhyrje tjera kozmetike. /Telegrafi/