Sheiku i pasur e vizionar prezanton planin për popullimin e Planetit të Kuq (Foto)

“Marsi 2117” është plani ambicioz i Emirateve të Bashkuara Arabe që përfshin projektimin, ndërtimin dhe popullimin e kolonive në Mars. Ky plan pritet të realizohet në 100 vitet e ardhshme.

Nënkryetari i Emirateve dhe sundimtari i Dubait, sheiku Mohammed bin Rashid Al Maktoum, e shpalosi planin në Samitin Botëror të Qeverive.

“Ky projekt i ri është fara që mbjellim sot, frytet e së cilës do t’i vjelin gjeneratat e ardhshme që do të udhëhiqen nga pasioni për dije dhe për përvoja të reja. Zbritja e racës njerëzore në planetët tjera ishte gjithmonë ëndrra e Planetit tonë. Qëllimi ynë është që Emiratet të hapin rrugën për përpjekjet ndërkombëtare për ta arritur këtë qëllim”, ka thënë sheiku, raporton The Independent.

Inxhinierët, shkencëtarët dhe hulumtuesit e Emirateve kanë paraqitur një koncept të projektimit të kolonive në Mars. Plani përfshin edhe transportin, format e prodhimit të energjisë dhe të ushqimit, si dhe të krijimit të jetës në Mars, transmeton Telegrafi.

Plani i paraqitur përfshin infrastrukturën dhe materialet që mund të përdoren për të ndërtuar qytetet në Mars. Aty është paraqitur qyteti me madhësinë e Çikagos që mund të ketë 600 mijë banorë.

Faza e parë e planit përfshin kërkimin dhe konkluzionet e shkencëtarëve që duhet të llogarisin dhe përputhin faktet shkencore me objektivat e planit.

Projekti do të niset nga Emiratet e Bashkuara Arabe, e më vonë mund t’i bashkohen bashkësitë tjera të botë.

Emiratet tashmë kanë nisur projektit “Marsi 2015” që synon uljen në Mars deri më 2021.

Pjesë të projektit për popullimin e Marsit, mund të shihni më poshtë përmes llogarisë në Twitter të sheikut vizionar. /Telegrafi/

We aspire to great things, so my brother Mohammed bin Zayed and I today decided the UAE will join the global effort to send humans to Mars. pic.twitter.com/BjoieNPIAX

— HH Sheikh Mohammed (@HHShkMohd) February 14, 2017

The project, to be named "Mars 2117", integrates a vision to create a mini-city and community on Mars involving international cooperation. pic.twitter.com/v27jA3K3pS

— HH Sheikh Mohammed (@HHShkMohd) February 14, 2017

The "Mars 2117" project will develop an Emirati and international team of scientists to push the human exploration of Mars in years to come. pic.twitter.com/5ujxvyC8As

— HH Sheikh Mohammed (@HHShkMohd) February 14, 2017

We aspire in the coming century to develop science, technology and our youth's passion for knowledge. This project is driven by that vision. pic.twitter.com/4QibJjtiM2

— HH Sheikh Mohammed (@HHShkMohd) February 14, 2017