Serie A: Xhemaili, në ekipin e javës

Blerim Xhemaili ka arritur të depërtojë në ekipin e javës në Serie A, pas paraqitjes golashënuese gjatë vikendit për Napolin.

Mesfushori shqiptar nga Maqedonia, i cili aktivizohet për kombëtaren zvicerane, ka vazhduar serinë e paraqitjeve të mira së fundi, duke shënuar edhe njërin nga tre golat e fitores 3-0 ndaj Pescaras.

Në mesfushën e javës spikat edhe Adem Ljalic, i cili ishte një katalizator në fitoren e Fiorentinas ndaj Sampdorias, si edhe Paul Pogba, i cili edhe një herë dëshmoi se meriton të luajë për një klub si Juventusi.

Palermo, që befasoi Interin në fundjavë, kontribuon me dy lojtarë në ekipin e javës: Arevalo Rios dhe Fabrizio Miccoli, që të dy në top formë.

Dyshja e Romës, Pablo Osvaldo dhe Erik Lamela, pushtojnë sulmin pasi ndihmuan skuadrën në fitoren 4-0 ndaj Sienës.

Në vazhdim më të mirët e vikendit në Serie A të zgjedhur nga mediat italiane:

Portier: Samir Handanovic (Inter)

Mbrojtës: Mehdi Benatia (Udinese); Giorgio Chiellini (Juventus); Santiago Garcia (Palermo)

Mesfushorë: Aem Ljalic (Firoentina); Blerim Xhemaili (Napoli); Arevalo Rios (Palermo); Paul Pogba (Juventus)

Sulmues: Fabrizio Miccoli (Palermo); Pablo Daniel Osvaldo (Roma); Erik Lamela (Roma).

Formacioni, 3-4-3

Handanovic

Benatia – Chiellini – Garcia

Ljalic – Xhemaili – Rios – Pogba

Miccoli – Osvaldo – Lamela

/Telegrafi/