Seancat gjyqësore në Maqedoni, kërkohen ndryshime ligjore

Pushteti gjyqësor nuk ka zgjidhje “ad-hoc” për procedimin e mëtutjeshëm të seancave gjyqësore, të cilat dita ditës po anulohen si shkak i rasteve pozitive me Kovid-19. Përveç mungesës së pajisjeve teknike për zhvillimin e gjykimeve online, pengesë më e madhe e gjykatave është mos ekzistimi i bazës ligjore precize për zbatimin e një procedure të tillë. Krerët e gjyqësorit në vend, përfshi edhe kryeprokurorin e Maqedonisë së Veriut, Lubomir Joveski, gjatë periudhës së fundit e kanë theksuar nevojën për ndryshimet ligjore të ligjeve procedurale.

Nga sektori civil i cili e monitoron punën në gjyqësor shprehen se para shqyrtimit të mundësisë për gjykimet online duhet të merren parasysh më shumë çështje, me qëllim të mos pamundësohet zbatimi i standardeve të drejtësisë gjatë gjykimeve, si dhe shkeljet e plota të këtyre parimeve.

“Në këtë kontekst, patjetër është të merret parasysh natyra specifike e sistemit gjyqësor, si dhe funksionimi i gjykatave, të cilët nuk janë vetëm një organ i thjeshtë administrative, por se bëhet fjalë për shtyllë e një pushteti shtetëror. Kësisoj, bërja e paraleles mes funksionimit online të administratës shtetërore dhe gjykatave është shumë jo serioze dhe nuk i merr parasysh pasojat afatgjatë të cilët mund të shkaktohen si rezultat i parimit të ri të punës (online)”, thonë nga Koalicioni të gjithë për gjykim të drejtë.

Nga sektori civil i cili e monitoron punën në gjyqësor shprehen se para shqyrtimit të mundësisë për gjykimet online duhet të merren parasysh më shumë çështje, me qëllim të mos pamundësohet zbatimi i standardeve të drejtësisë gjatë gjykimeve, si dhe shkeljet e plota të këtyre parimeve.

“Në këtë kontekst, patjetër është të merret parasysh natyra specifike e sistemit gjyqësor, si dhe funksionimi i gjykatave, të cilët nuk janë vetëm një organ i thjeshtë administrative, por se bëhet fjalë për shtyllë e një pushteti shtetëror. Kësisoj, bërja e paraleles mes funksionimit online të administratës shtetërore dhe gjykatave është shumë jo serioze dhe nuk i merr parasysh pasojat afatgjatë të cilët mund të shkaktohen si rezultat i parimit të ri të punës (online)”, thonë nga Koalicioni të gjithë për gjykim të drejtë.

Gjatë periudhës së fundit anulimi më i madh i seancave gjyqësore është vërejtur në Gjykatën Penalë të Shkupit, ku edhe po procedohen rastet e iniciuara nga ish-Prokuroria Speciale Publike. Rezultatet pozitive me koronavirus të një pjesë të të akuzuarve, siç janë Sasho Mijallkov, Martin Protugjer, Mile Janakievski dhe të tjerë ka ndikuar që gjykimet për “Target-Fortesa”, “Titanik” dhe “Organizatorët e 27 prillit”, të prolongohen për një afat 20 ditor. Ndryshe, në prill të këtij viti në Gjykatën e Kavadarit u zhvillua gjykimi i parë online në vend. Mirëpo, sipas kryeprokurorit Joveski, në këtë rast kishte pajtim nga vetë i akuzuari, si dhe bëhej fjalë për vepra të lehta penale. Përderisa raste e fundit të anuluar në GJPSH, kanë të bëjnë me një numër më të madh të të akuzuarve, gjegjësisht për vepra më të rënda penale. (koha.mk)