Scaloni tregon se cilin trajner të madh e ka referencë

Lionel Scaloni është bërë një nga trajnerët më të vlerësuar në botë, pasi ai ka arritur suksese të mëdha me Kombëtaren e Argjentinës.

Tekniku argjentinas ka arritur të fitoj tre trofe të rëndësishëm me Kombëtaren e Argjentinës si dy herë Kupën e Amerikës dhe një herë tjetër Kupën e Botës.

Por tekniku argjentinas thotë se ai ka një referencë dhe ai është trajneri i madh italian i Real Madridit, Carlo Ancelotti.

Lexo po ashtu Publikohen nominimet për trajnerin e vitit - zbulohet edhe favorit për ta fituar çmimin

“Për mua sot, referenca ndër menaxherët është Ancelotti. Unë ndaj një vizion të përbashkët për shumë gjëra me të dhe mendoj se ai është një trajner që tashmë ka bërë histori”, tha për mediat trajneri i Argjentinës, Lionel Scaloni . .

“Ndër trajnerët e tjerë që kam pasur, ata janë Jose Pekerman dhe Daniel Cordoba kur ai ishte në Estudiantes – ai më transmetoi shumë gjëra”, shtoi ai.

Lexo po ashtu Trajneri i Argjentinës pezullohet me një ndeshje për një rregull të çuditshëm dhe pak të njohur, kjo e mërziti Scalonin

Ndërsa ekipet kombëtare të Argjentinës zakonisht priren të kontrollojnë posedimin dhe të luajnë futboll dominues, Scaloni është më pragmatik në këtë aspekt, ashtu si Ancelotti – nuk është çudi që kjo qasje e ndihmoi Albiceleste të fitonte Kupën e Botës të shumëpritur dhe dy trofe të Kupës së Amerikës në tre vitet e fundit. .

Interesante, Lionel Scaloni fitoi çmimin e trajnerit më të mirë të FIFA-s përpara Carlo Ancelottit në 2023. /Telegrafi/