Kandidati për deputet nga radhët e Lidhjes Demokratike të Kosovës, Berat Rukiqi, ka prezantuar një paketë masash dhe projekte që synojnë uljen e çmimit të energjisë elektrike për qytetarët.
Mes veprimeve të propozuara nga Rukiqi janë: heqja e Tatimit në Vlerë të Shtuar (TVSH) për energjinë elektrike, ndërtimi i termocentraleve me gaz për të reduktuar importin e energjisë të shtrenjtë, rehabilitimi i plotë i Termocentralit “Kosova B”, si dhe investime në ngrohjen qendrore, izolimin e banesave dhe shtëpive.
Sipas kandidatit, këto masa do të kontribuojnë në stabilizimin e çmimeve të energjisë, përmirësimin e eficiencës energjetike dhe mbështetjen direkte të familjeve dhe konsumatorëve të Kosovës.
