Rovio: Pirateria ndoshta edhe nuk është aq e keqe

Në konferencën për media të shefit të Rovios, kompanisë e cila qëndron prapa lojës mega të popullarizuar fillimisht të mbaruar për telefonat e mençur – Angry Birds, tha se disa gjëra të cilat assesi nuk do të ju pëlqejnë organizatave të cilat janë duke dërguar në gjykata njerëzit të cilët kanë bërë kopje pirate të përmbajtjeve digjitale.

Kështu Mikael Hed tha se pirateria nuk është gjithsesi gjë e keqe, për shkak se në të vërtetë mund të sjell më shumë punë për kompanitë përmbajtja e të cilave po piratohet.

Rovio deri diku është i penguar nga pirateria, jo vetëm në lidhje me aplikacionet, por kryesisht në lidhje me produktet e zakonshme. Në të vërtetë, ekzistojnë shumë artikuj me fytyrat e popullarizuara nga kjo lojë, të cilët pa kurrfarë licence po përdoren në shumë produkte, veçanërisht në Azi. Por, për ndryshim nga përshtypja e industrisë së muzikës, mendon se në fund ata përfitojnë nga pirateria.

Është lehtë të kuptohet edhe përse – pa pirateri shumë më pak njerëz do të ishin në dijeni për produktet e tyre. Natyrisht, prapa deklaratës së Hedit qëndron edhe efekti social – RIAA dhe organizatat tjera përmes padive dhe në disa raste dëmshpërblimeve të kërkuara me shuma marramendëse kanë thyer zemrat e shumë njerëzve, derisa me një qëndrim të këtillë, Rove del të jetë një kompani moderne dhe cool. /Telegrafi/