Rezultati në El Clasicon e sotëm, mund të përcaktojë fatin e Carlo Ancelottit

Real Madridi ka pasur vështirësi brenda këtij sezoni dhe ka ngecur pas Barcelonës për sa i përket suksesit në Spanjë.

Skuadra e Xavi Hernandez fitoi Superkupën e Spanjës, duke mposhtur Los Blancos në finale në janar, ndërsa ata gjithashtu mbajnë një epërsi prej 12 pikësh në garën për titull në La Liga me vetëm 11 ndeshje deri në fund të sezonit.

Kupa e Mbretit përfaqëson shansin e vetëm realist të Real Madridit për sukses në vend këtë sezon, por triumfi i tyre është më pak i mundshëm, pasi kanë humbur ndeshjen e parë gjysmëfinale kundër Barcelonës në Santiago Bernabeu.

Lexo po ashtu Ancelotti u ka kërkuar lojtarëve të Real Madridit që të “mos çmenden” përpara ndeshjes së dytë me Barcelonën në Kupën e Mbretit

Dështimi për të mbizotëruar të mërkurën (sot) mund të pengojë rëndë shanset e Carlo Ancelottit për të qëndruar si trajner i Real Madridit sezonin e ardhshëm, sipas Sport.

Nëse Barcelona përparon, italianit do ta kishte vetëm Ligën e Kampionëve për të shpëtuar punën e tij.

Lexo po ashtu Merr fund ëndrra e tifozëve të Real Madridit për ta parë Mbappen në Santiago Bernabeu - sulmuesi u premton parisienëve Ligën e Kampionëve

E ardhmja e Ancelottit ka qenë shkak për shumë spekulime muajt e fundit, por ai do të jetë i dëshpëruar për të siguruar një fund të suksesshëm të sezonit për Real Madridin.

Megjithatë, nëse përfundon pa trofe, ai nuk do të ketë ku të fshihet. /Telegrafi/