Reshitaj: AKR dhe Behgjet Pacolli, janë shpresa dhe zgjidhja e vetme për zhvillim

Zv.presidentja e Aleancës Kosova e Re, Albena Reshitaj, përmes një adresimi në llogarinë e saj në Facebook, i ka bërë apel qytetarëve që t’i ndëshkojnë me votë ata që vendin e sollën në krizë ekonomike.

Reshitaj, që është edhe kandidate për deputete nga Koalicioni LDK-AKR, ka thënë që subjekti ku ajo bënë pjesë dhe kryetari Behgjet Pacolli, janë shpresa e vendit dhe zgjidhja e vetme për zhvillim.

Ky është postimi i saj i plotë:

Të dashur qytetarë,

Gjendja ekonomike në vend, është si mos më keq. Është shkelur e poshtëruar dinjiteti i secilit prej nesh. Më tregoni ju lutem, si është e mundur një qytetar i këtij populli, i cili për 10 vite duroi dhe kapërdiu lloj-lloj gënjeshtre, tani sërish të votojë të njëjtit?

Jo, unë e di që çdo durimi i ka ardhur fundi, nuk besojmë përralla. Asgjë e re nuk mund të vije me njerëzit e njëjtë. Plot 10 vite, gjithçka që kanë ditur, ka qenë të premtojnë dhe vetëm të premtojnë. Në fund, rritja e të ardhurave ndodhi vetëm për ta dhe familjet e tyre.

Dhe si thoni, prapë t’i votojmë?

Jo jo, asnjëherë më.

Mos e nënçmoni intelektin tuaj, zgjuarsinë dhe etikën. Ndëshkoni ata me 11 Qershor dhe hapni rrugë personave adekuat. Vendi zhvillohet me ata që dinë se çka quhet zhvillim, me ata që kanë ide, eksperiencë dhe mbi të gjitha qëllim të pastër.

Kjo është AKR-ja. Behgjet Pacolli është njeriu që sot më shumë se kurrë, Kosova ka nevojë për të, ne kemi nevojë për të.

Është shpresa e vetme, alternativa e vetme, zgjidhja e vetme.

#AKRSHPRESËPËRKOSOVËN ALBENA RESHITAJ 30