Renault ul çmimet

Prodhuesi francez i veturave Renault pret shitje më të larta të automjeteve elektrike këtë vit, pavarësisht nga dobësimi i ekonomisë dhe konsumit, pasi ulja e çmimeve për këto automjete duhet të rrisë shitjet.

“Që nga fillimi i vitit kemi vërejtur një kërkesë në rritje për vetura elektrike”, tha drejtori ekzekutiv i markës Renault, Fabris Kambolive, në një intervistë për revistën Autogazette.

Për këtë arsye, Renault pritet të vazhdojë të shohë rritje në shitjet e veturave elektrike në vitin 2023.

Për më tepër, furnizimi me gjysmëpërçues po përmirësohet, kështu që Kambolive pret që kjo të ulë koston e veturave elektrike – si për blerësit ashtu edhe për prodhuesit.

“Me biznesin tonë të automjeteve elektrike Ampera, ne jo vetëm që do të jemi në gjendje të reduktojmë më tej kostot e veturave elektrike, por edhe kostot fikse të kompanisë sonë,” tha Kambolive.

Renault aktualisht po kalon një transformim dhe planifikon të ndahet në disa pjesë të pavarura.

Divizioni i veturave elektrike dhe softuerëve të Ampera-s duhet të ndërpritet në gjysmën e dytë të vitit, dhe më pas të bëhet publik.

Kambolive pret që reduktimet e kostos ta bëjnë Renault më konkurrues në tregun e automjeteve elektronike, duke kaluar kursimet te klientët. Grupi është duke punuar në një ofertë të veturave elektrike për 25 mijë euro.

Çmimi i shitjes së versionit të ri elektrik të modelit të automjetit R5 duhet të jetë gjithashtu më pak se 30 mijë euro. /Telegrafi/