Me rekordin prej tetë fitoresh me nokaut, kampioni gjerman vdes në ring nga infarkti

 Musa Yamak ka ndërruar jetë pasi pësoi një atak në zemër dhe u rrëzua në ringun e boksit pas një përleshjeje në një shfaqje të vogël në Garching të Gjermanisë.

Boksieri gjerman kishte një rekord prej tetë fitoresh, asnjë humbje dhe të gjitha ishin me nokaut.

Deri në atë pikë të duelit, i pamposhturi gjerman me origjinë turke, u përpoq të dilte për raundin e tretë, por u rrëzua në tokë dhe ra pa ndjenja.

Lexo po ashtu Të gjitha lajmet nga Boks

Ndeshja u fitua nga veterani ugandan Hamza Wandera (20-19, 3 nokaut). Mediat gjermane dhe ndërkombëtare raportojnë se Yamak qysh në ring nuk shfaqi shenja jete, duke u dërguar me urgjencë në spital.

Më vonë, boksieri u shpall i vdekur stafi mjekësor. E sa i përket shkakut të asaj që ka ndodhur, raportohet se vdekja e tij ka ardhur si rezultat i një infarkti të miokardit.

Yamak u bë profesionist në vitin 2017 në një karrierë të ulët, e cila natyrisht u ndikua nga pandemia e vazhdueshme e koronavirusit. Dhe në luftën e tij të fundit në nëntor 2021, ai fitoi titullin WBFI duke mposhtur Siarhei Huliakevich. /Telegrafi/

German Boxer Dies After Suffering Heart Attack During Fight https://t.co/aWuGtI6dYT pic.twitter.com/Xp7rkX9Zi4

— BoxingScene.com (@boxingscene) May 16, 2022