Ragip Begaj: Nesër të fillojë mësimi në shkollat e Malishevës

Kryetari i Komunës së Malishevës, Ragip Begaj, përmes Drejtorisë për Arsim dhe Edukim, ju bënë ftesë të gjithë mësimdhënësve të Komunës së Malishevës, që nga dita e nesërme, e hëne 21 janar 2019, të fillojnë procesin mësimor në gjysmëvjetorin e dytë.

“Pas propozimit të Qeverisë së Republikës së Kosovës, për rritje të pagave për mësimdhënësit, ju bëjmë apel të gjithë mësimdhënësve, që nga dita e nesërme ti kthehen procesit mësimor”, thuhet në apelin e kryetarit të Komunës së Malishevës, Ragip Begaj, drejtuar mësimdhënësve.

Lexo po ashtu Jasharaj: Nuk ka përçarje në SBASHK, mësimi s'do të rifillojë në asnjë shkollë

Ndërkaq, ndalje të grevës kanë kërkuar edhe komunat: Juniku, Deçani, Hani i Elezit, Vitia, Mamusha, Rahoveci dhe Obiliqi.

Qeveria ka vendosur të bëjë rritje të pagave për arsimtarët për 20 milionë euro në vit.

Haradinaj ka thënë se rritja do të bëhet nga 534 euro në 597 për mësimdhënësit në shkolla të mesme, nga 479 në 525 për ata në arsimin fillor dhe nga 447 në 501 te ata në nivelin parashkollor.

Sipas SBASHK-ut vendimi që ka marrë kryeministri Haradinaj është vetëm 10 për qind e koeficientit të mësimdhënësve dhe jo 30 për qind siç po kërkojnë ata dhe prandaj edhe kanë vendosur që ta vazhdojnë grevën. /Telegrafi/