Qytetarët e Maqedonisë gjithnjë e më shumë drejtojnë makina të vjetra dhe dizel

Në Maqedoni ka mbi 400 mijë makina të regjistruara me një vjetërsi mesatare prej 18.7 vjetësh. Prej tyre, mbi 80 për qind janë më të vjetra se dhjetë vjet, dhe pothuajse gjysma e tyre përdorin dizel.

Sipas të dhënave të Eurostat-it, në Maqedoni ekzistojnë 190 automjete në 1,000 banorë, shumë më poshtë mesatares së BE-së, që është 505 automjeteve në 1,000 banorë, përcjell Telegrafi Maqedoni.

Në të njëjtën kohë, Maqedonia në vitin 2016 ka pasur në total 259 kilometra autostradë dhe 14,167 kilometra rrugë të tjera. Për krahasim, Sllovenia me 531 automjete në 1,000 banorë dhe pothuajse të njëjtin territor si vendi ynë, në vitin 2016 ka pasur në total 773 kilometra autostradash.

Gjithnjë makina më të vjetra dhe dizel në rrugët e Maqedonisë:

Automjetet motorike, duke përfshirë edhe ata ngarkuese të regjistruara në vitin 2017 në Maqedoni kanë qenë 474,516, prej të cilave 403,316 janë vetura.

Kjo është rritje prej mbi 8,000 automjete krahasuar me vitin paraprak (2016), ku numri i përgjithshëm i automjeteve të regjistruara ishte 461,799, nga të cilat 394,934 ishin makina.

Të dhënat nga “MAKstat” tregojnë se mosha mesatare e automjeteve rrugore në Maqedoni u rrit nga 18.4 vjet në 2016 në 18.7 vjet në 2017, ndërsa në të njëjtën periudhë numri i makinave është rritur me tetë mijë nga 395 mijë në 2016 në 403 mijë në vitin 2017.

Numri i automjeteve të reja, gjegjësisht sipas regjistrimit të parë, është në rënie, kështu që në vitin 2017 numri i veturave me regjistrim të parë është 26,609 automjete, të cilat në krahasim me vitin 2016 janë zvogëluar me rreth katër mijë, kur janë regjistruar 30,423 automjete të reja.

Të dhënat e Bankës Popullore të Maqedonisë për huadhënien në muajin korrik tregojnë të kredive për blerjen e makinave. Në nivel mujor miratohen 0,9 për qind më pak kredi për makina, dhe në nivel vjetor 10,8 për qind më pak kredi./Telegrafi/