Qytetarët: Aksioni policor lojë e partive në pushtet

Pavarësisht panikut që u ngrit në media kryesisht në portale, duke alarmuar më shumë seç duhet situatën në rajonin e Kumanovës, qytetarët e Shkupit thonë se rastet e këtilla ato i shohin me skepticizëm, duke i quajtur lojëra të pushtetarëve.

“Hiq gajle s’kam pasur, kam fjetur jam kënaqur. Pse të frikësohem. Mediat nuk e kanë për herë të parë, gjithmonë e kanë bërë shumë të madhe. A u besoni portaleve? 50:50”.

“Ata për mua janë pika politike për t’i votuar ndërkohë që të gjithë gënjejnë. Të gjithë janë të një dore, s’kanë as fytyrë as asgjë. Për atë nuk komentoi shumë dhe s’dua të dëgjoj më shumë se e kanë humbur autoritetin te shqiptarët”, tha qytetari për Alsat-M.

“Po normale që u frikësuam. Ne jemi nga Gostivari kurse për aksionin dëgjuam në televizion dhe normalisht që u frikësuam. Kemi fëmijë, kemi nipër. Njeri nuk mund as të flejë rehat. Kjo është katastrofë, më parë ishte shumë më qetë tani të rrish me stres gjithmonë”.

Dy ditë më parë disa portale alarmuan situatën në disa rajone të Kumanovës duke nxitur frikë te qytetarët dhe duke shpikur mbi ngjarjen, gjë e cila për mediat tradicionale, dënohet ligjërisht.