Qeveria shqyrton sot mundësitë për daljen nga kriza të ndërmarrjes Trepça

Ministri i Ekonomisë dhe Ambientit, Blerim Kuçi në mbledhjen e Qeverisë së Kosovës ka thënë se për shkak të situatës në ndërmarrjen Trepça, ka propozuar që të futet në shqyrtim vendimi për ndarjen e mjeteve buxhetor nga programi i Rimëkëmbjes Ekonomike.

“Për shkak të rëndësisë dhe emergjencës së temës që ka të bëjë me Trepçën propozoj që të futet në shqyrtim propozim i vendimit për ndarjen e mjeteve buxhetore për zbatimin e programit të Rimëkëmbjes Ekonomike. Propozim të futet në rend dite për shkak të rëndësisë dhe emergjencës që kemi”, ka thënë Kuçi.

Ndërsa kryeministri Avdullah Hoti tha se një propozim të tillë do ta shqyrtojnë pas mbledhjes së Qeverisë, me ministrin e Financave.

Lexo po ashtu Minatorët pa paga, në Trepçë nuk është duke punuar askush

“Propozoj që menjëherë pas mbledhjes të ulemi me ministrin e Financave edhe të bëjmë darkodimet dhe propozimet  e nevojshme dhe nëse bëjmë zgjidhje e qesim në mbledhjen online”, ka thënë Hoti.

Ndryshe, në ndërmarrjen Trepça, ka disa ditë që nuk po punohet, pasi punëtorët nuk kanë marrë pagën e tetorit. /Telegrafi/