Qeveria e Maqedonisë pranon hetim ndërkombëtar për rastin “Lagja e Trimave”

Qeveria e Republikës së Maqedonisë dakordohet që të hapet hetim ndërkombëtar për rastin “Lagja e Trimave”. Kryeministri Zoran Zaev thotë se është informuar bashkësia ndërkombëtare dhe se po kërkohen mënyra për zbatim të hetimit ndërkombëtar për rrethanat e paqartësuara të lidhura me ngjarjet në “Lagjen e Trimave” në Kumanovë më 9 dhe 10 maj të vitit 2015.

“Hapi i vetëm që është bërë deri më tani është informimi i përfaqësuesve të bashkësisë ndërkombëtare për të kërkuar mënyra se si mund të kryhet ky hetim. Ne nuk duma të mbeten dilema për punë të paqartësuara që janë në interes të qytetarëve dhe ky rast është vërtet në interes të qytetarëve. Besoj se do t’i gjejmë mënyrat me bashkësinë ndërkombëtare se si të fillohet hetim ndërkombëtar për këtë rast”, tha Zaev në konferencën e sotme për shtyp.

Gjykata penale shqiptoi tetë dënime me burg të përjetshëm dhe 26 dënime shumëvjeçare për të akuzuarit në rastin “Lagja e Trimave”, ndërsa katër u liruan nga akuzat./Telegrafi/