Qeveria dhe Ministritë e Republikës së Maqedonisë me orar të ri pune

Ministria për shoqëri informatike dhe administratë (MSHIA) kumtoi se duke fillaur nga nesër hyn në fuqi vendimi për verifikim të orarit të punës në Qeverinë e Republikës së Maqedonisë, ministritë dhe organet tjera të udhëheqësisë shtetërore.

“Sipas dispozitave të Vendimit, çdo i punësuar në Qeverinë e Republikës së Maqedonisë, ministritë dhe organet tjera shtetëore ka të drejtë të arrijë në vendin e punës ndërmjet orës 7:30 dhe 8:30 dhe të largohet nga vendi i punës në periudhën në mes 15:30 dhe 16:30, duke plotësuar obligimin e 8 orë pune në ditë. Secili organ i udhëheqjes shtetërore duhet të sigurojë sistem për evidencë të orarit të punës, me qëllim të kontrollit më efikas gjatë hyrjes dhe daljes së të punësuarve”, thuhet në kumtesën e MSHIA.

Në kontekst të të drejtave të përgjithshme të personave të punësuar në udhëheqësinë shtetërore, siç thuhet, nënkuptohet edhe e drejta e të punësuarve për orar pune me renditje të caktuar për plotësim më efektiv të detyrave të punës, në kuadër të kornizave pozitive ligjore./Telegrafi/