Një shtetas shqiptar, i shpallur në kërkim prej 23 dhjetorit është vënë në pranga nga policia italiane, pasi akuzohet se, plagosi me thikë një polic gjatë një debate të lindur për arsye banale.
Sipas mediave italiane, i kërkuari fshihej në Salou në komunitetin autonom spanjoll të Katalonjës, ku përdorte një identitet të rremë rumun.
Prania e tij në Katalonjë u raportua nga hetuesit e Domenico Condello në prill pasi kishin identifikuar disa gjurmë në kuadër të një hetimi tjetër të nisur në kryeqytet.
Ndaj të kërkuarit ishte në pritje një urdhër-arresti ndërkombëtar.