Putini tregon ‘tërbimin’ e tij ndaj përpjekjeve të dështuara të luftës të Rusisë teksa poshtëron publikisht një zëvendëskryeministër rus

Vladimir Putin tregoi sot tërbimin e tij ndaj ekonomisë në kolaps të Rusisë dhe përpjekjeve të dështuara të luftës, ndërsa poshtëroi publikisht një nga zëvendëskryeministrat.

Sipas mediave të huaja, përcjell Telegrafi, despoti i zemëruar sulmoi Denis Manturov në një videokonferencë të qeverisë për dështimin në blerjen e aeroplanëve ushtarakë dhe civilë.

Ai e akuzoi atë se po luante budallain pasi politikani, një zëvendëskryeministër dhe ministër i Tregtisë dhe Industrisë, fluturoi me pushime në vendin e NATO-s, Turqi, gjatë Vitit të Ri.

Videoja tregon një Putin të pakënaqur duke deklaruar: “Nuk ka kontrata. Çfarë do të më thuash? E di që nuk ka kontrata në kompani, më thanë drejtorët”.

Ai i tha ministrit se kishte një muaj kohë për të zgjidhur rrëmujën që ka çuar në mungesë të aeroplanëve ushtarakë për forcat ajrore dhe një dështim për të furnizuar me aeroplanë të rinj kompanitë civile që janë goditur nga sanksionet perëndimore.

“E gjithë kjo duhet të bëhet brenda një muaji, … brenda një muaji… A nuk e kuptojmë se në çfarë kushtesh po jetojmë?”. /Telegrafi/