Publikohen pamjet: Momenti kur adoleshentët hyjnë në një autosallon në Wisconsin dhe vjedhin 9 makina me vlerë mbi 500,000 dollarë

Një grup adoleshentësh që besohet se ishin pjesë e një rrjeti të krimit të organizuar në zonën e Çikagos, hynë në një përfaqësi luksoze të Range Rover në Wisconsin javën e kaluar dhe u larguan me nëntë makina me një vlerë totale mbi gjysmë milioni dollarë, thanë autoritetet.

Sipas mediave të huaja, përcjell Telegrafi, pamjet nga kamerat e vëzhgimit kapën momentin kur nëntë të dyshuar të maskuar hynë në një sallon veturash rreth orës 6 të mëngjesit të 18 shkurtit në Waukesha, rreth 30 kilometra në perëndim të Milwaukee.

Kapiteni i policisë Dan Baumann tha se të dyshuarit hynë dhe gjetën se ku ishin ruajtur çelësat e makinës përpara se të aktivizonin çelësat për të gjetur secilën makinë që do të vidhnin.

Policia në atë kohë tha se të dyshuarit besohej se ishin “një grup i krimit të organizuar i adoleshentëve nga zona e Çikagos” dhe shumica janë të njohur për policinë.

Watch the latest video at foxnews.com

Një i dyshuar, një djalë 17-vjeçar nga Çikago, u arrestua të dielën pasi automjeti i vjedhur që ai po drejtonte u përplas përgjatë Interstate 94 gjatë një ndjekjeje nga policia, tha policia.

Ai po mbahej në burgun e qarkut Waukesha me një garanci prej 50,000 dollarësh dhe përballet me akuza për vjedhje dhe dëmtim penal të pronës, tha Baumann.

Policia në Wisconsin dhe Illinois ishte ende në kërkim për tetë të dyshuarit e tjerë.

Ndërkohë bëhet e ditur se janë gjetur gjashtë nga nëntë automjetet e vjedhura – katër në Çikago, një në periferi të Çikagos, Deerfield dhe një në Wisconsin pas aksidentit në autostradë që çoi në arrestimin e 17-vjeçarit, sipas policisë. /Telegrafi/