PTHP: Hetim ndaj dy personave për marrje ryshfeti

Pas kallëzimit të mëparshëm të djalit të një të pandehuri në një rast që po zhvillohet në Prokurorinë Themelore Publike për Ndjekjen e Krimit të Organizuar dhe Korrupsionit, pasditen e djeshme Ministria e Punëve të Brendshme ka kryer një aksion në të cilin është ndaluar gjyqtari i Gjykatës së Lartë.

Në bazë të njoftimit të dorëzuar nga MPB, BSB, Departamenti i Policisë Kriminale, Departamenti i Krimit Ekonomik dhe Korrupsionit, prokurori publik në fjalë nga Prokuroria Themelore Publike për Prokurorinë e Ndjekjes së Krimit të Organizuar dhe Korrupsionit ka lëshuar një Urdhër për zbatimin e procedurës hetimore ndaj dy personave për të cilët ekziston dyshimi se kanë kryer një vepër penale “Shpërblimi për ndikim të kundërligjshëm” nga neni 359 i Kodit Penal, njoftojnë nga Prokuroria Publike.

Sipas informacioneve të marra nga parashtruesi i ankesës, i dyshuari i parë, duke përdorur pozitën e tij zyrtare dhe duke marrë ndikim, në mënyrë të rrejshme i ka premtuar favore të akuzuarit (babait të ankuesit) në një procedurë tjetër që është duke u zhvilluar në Prokurorinë Themelore Publike për ndjekjen penale të krimit të organizuar dhe korrupsionit, dhe në mënyrë të rreme kanë përfaqësuar se do të kryenin ndikim së bashku me të dyshuarin e dytë.

Mbrëmjen e djeshme, përveç propozimeve për bastisje në disa lokacione, prokurori në fjalë në Gjykatën Themelore Penale Shkup ka dorëzuar edhe propozim për caktimin e masës së paraburgimit për të dyshuarin e parë, duke vlerësuar se janë plotësuar kushtet. Duke marrë parasysh se bëhet fjalë për një gjyqtar në gjykatën më të lartë në vend – Gjykatën e Lartë, i cili gëzon imunitet, dhe i cili u kap në flagrancë në kryerjen e veprës penale, propozimi përmes Gjykatës Themelore Penale i është dorëzuar për vendim Këshilli Gjyqësor të RMV-së, të cilit gjatë natës i është hequr imuniteti, pas së cilës sot Gjykata Themelore Penale Shkup do të vendosë për masën e propozuar.

Provat e mbledhura dhe kontrollet e deritanishme ofrojnë bazë ligjore që prokurori publik në fjalë të propozojë masën e paraburgimit vetëm për të dyshuarin e parë i cili është kapur në kryerjen e veprës penale, ndërsa në lidhje me të dyshuarin e dytë deri më tani, ndërsa për të dysharin e dytë provat nuk japin bazë për të propozuar masën më të rreptë të sigurisë. Hetimi vijon deri në verifikimin e plotë të të gjitha rrethanave dhe pretendimeve”, thuhet në deklaratën e PTHP-së./Telegrafi/