Portugalia merr pikët në takimin ndaj Azerbajxhanit

Vetëm një gol është shënuar në ndeshjen ndërmjet Portugalisë dhe Azerbajxhanit, të vlefshme për fazën kualifikuese të Kampionatit Botëror.

Edhe pse skuadra nikoqire konsiderohej favorite e madhe, portugezët u mjaftuan me një gol për t’i arkëtuar të tria pikët.

Në fakt ishte një autogol i shënuar në minutën e 36-të nga Maksim Medvedev që ua mundësoi fitoren vendasve.

(Foto: Twitter/Portugal)

Gjysma e dytë nuk prodhoi gola, përkundër se portugezët krijuan raste të shumta shënimi.

Tri pikët do t’i shërbejnë Portugalisë në Grupin A kualifikues për ‘Katar 2022’. /Telegrafi/