Policia në Florida u thirr në një kompleks apartamentesh në Orlando, për të nxjerrë një banor të padëshiruar nga korridori -- një aligator 1.6 metra të gjatë.
Departamenti i policisë së Orlandos tha në mediat sociale se oficerët iu përgjigjën një kompleksi apartamentesh në Lake Debra Drive të martën në mbrëmje.
"Kur mbërritën, zbuluan një aligator 1.5 deri në 1.8 metra të gjatë në korridor", shkroi policia, transmeton Telegrafi.
Departamenti ndau një video të oficerëve që hidhnin një batanije mbi fytyrën e aligatorit, dhe e tërhiqnin atë jashtë korridorit.
Aligatori u lirua përsëri në Liqenin Mann.
"Asnjë oficer ose aligatori nuk u lëndua", thuhet në postimin e policisë. /Telegrafi/
