Poeti luftëtar dhe macja që e shoqëroi deri në vdekje

Përgatiti: Dashnor Kokonozi

Maksym Kryvtsov (22 janar 1990 – 7 janar 2024) shkroi poezi qëkur ishte adoleshent, të cilat fillimisht u  botuan në koleksione – bashkë me autorë të tjerë. Më pas doli me vëllime më vete, që tërhoqën vëmendjen e publikut.

Një nga librat e tij të fundit u cilësua si përmbledhja më e mirë poetikë nga PEN Ukraina.

Poezi të tijat u vunë në muzikë nga grupe të ndryshme muzikore të atdheut të tij.

Më 2014 Kryvtsov ka marrë pjesë në Revolucionin e Dinjitetit, ndërsa kur fillon invadimi rus i bashkohet Forcave të Armatosura të Ukrainës. U vra gjatë luftimeve me forcat ruse.

Maces së tij (që vritet bashkë me të) ia kishte kushtuar një poezi që po e sjell me poshtë. (Interesant, poetët kanë patur gjithnjë tërhqeje të veçantë për macet! “Viens, mon beau chat sur mon cœur amoureux” – “Eja macja ime e bukur, mbi zemrën time të dashuruar”, shkruante Baudelaire.)

***

MACJA IME E KUQËRREMTË*

Kur e zë gjumi
shtrin ngadalë këmbët e përparme
ëndërron verën
ëndërron një shtëpi me tulla të padëmtuara
sheh ëndrra me pula
duke vrapuar nëpër oborr
ëndërron fëmijët
të cilët i japin byrek me mish
helmeta më rrëshqet e bie në baltë,
macja zgjohet e sheh vëmendshëm rrotull
njeh të vetët dhe bie sërish në gjumë.

(fragment sipas përkthimit në anglisht nga Christine Chraibi)

/Telegrafi/

___________

* Raca e maces Ginger Tabby