​Plagosja në Viti, kërkohet paraburgim ndaj tre personave

Prokuroria Themelore në Gjilan ka parashtruar kërkesë për paraburgim në Gjykatën Themelore në Gjilan, ndaj të pandehurve N.H., N.B., për shkak të dyshimit se kanë kryer veprat penale vrasje e rëndë në tentativë dhe mbajtje në pronësi të armëve dhe të pandehurit A.B., për mbajtje në pronësi të armëve.

Ekziston dyshimi i bazuar se i pandehuri N.H., më 8 gusht 2024, rreth orës 10:07, në komunën e Vitisë, me dashje ka tentuar t’i privojë nga jeta të pandehurit N.B. dhe A.B., në atë mënyrë që për shkak të mosmarrëveshjeve pronësore, sapo i sheh të njëjtit që me djemtë e tyre kishin shkuar në pronën kontestuese, shkon në shtëpinë e tij, merr një AK-47 dhe gjuan pandërprerë në drejtim të tyre, me ç’rast të pandehurin N.B. e plagos në këmbë, ndërsa të pandehurin A.B. e plagos në të dy këmbët.

I pandehuri N.B., e kishte armën e zjarrit me vete dhe sapo e sheh që i pandehuri N.H., nga shtëpia e tij kishte dalë me armë, gjuan disa herë në drejtim të tij, por nuk arrin ta qëllojë, duke vënë në rrezik edhe jetën e bashkëshortes së tij, e cila ishte me të.

I pandehuri A.B. dyshohet për armëmbajtje pa leje, e cila është gjetur pas kontrollit në shtëpinë e tij, si dhe të gjitha armët e të pandehurve janë sekuestruar nga ana e zyrtarëve policorë.

Viva Fresh Store mbështetësi kryesor i prodhuesve vendorë.