Pinë gjakun e kobrave, hanë akrepat dhe merimangat – pamje nga stërvitja e marinsave amerikanë

Stërvitjet e përvitshme ushtarake “Cobra Gold” kanë filluar në Tajlandë. Në këtë ngjarje të madhe marrin pjesë mijëra ushtarë amerikanë, që kanë për detyrë të mësojnë edhe ndajnë përvojat e tyre të mbijetesës në kushte ekstreme.

29 ushtri të shteteve tjera janë duke marrë pjesë në këtë stërvitje që konsiderohet më e madhja në Azi, ku ushtarët mësohen të mbijetojnë nëpër xhungla, transmeton Telegrafi.

Afro 4.500 ushtarët amerikanë po marrin pjesë në stërvitje, si në tokë, ajër ashtu dhe në det, përkrah tyre janë edhe ushtarët e Singaporit, Kinës, Japonisë, Indisë, Koresë së Jugut, Indonezisë dhe Malajzisë.

Tash e 39 viteve kjo stërvitje praktikohet dhe zgjat plotë 10 ditë, ku marinsat amerikanë ndajnë përvojat e tyre luftarake me kolegët nga ushtritë tjera të botës.

Aty mësohet të pinë gjakun e kobrës që ia këpusin kokën – dhe që sipas ekspertëve ndihmon në dehidratim në rast se ka mungesë të ujit gjatë një misioni ushtarak në xhungël.

Fotografitë e publikuar më poshtë mund të jenë paksa të rënda për dikë, por aty shihen se si pinë gjakun e kobrave, mbajnë në dorë merimangat helmuese, akrepat dhe shumë gjallesa tjera të rrezikshme. /Telegrafi/