Përmbajtjet malinje në rënie

Sipas raportit më të ri të sigurisë të përpiluar nga McAfee niveli i spamit gjatë çerekut të katërt të vitit të kaluar ishte në nivelet më të ulëta gjatë disa viteve të fundit, por kishte tejkaluar pritjet e McAfee-së.

Edhe pse spami ishte në rënie, kriminelët kompjuterik po përdorin metoda gjithnjë e më të sofistikuara të sulmit, thuhet në raportin e McAfee-së. Gjatë çerekut të fundit të vitit të kaluar spami ishte në nivelin më të ulët në disa vitet e fundit, veçanërisht në regjionet të cilët deri tani ishin caqe shumë të popullarizuara të postës së padëshiruar elektronike, sikurse që janë Britania e Madhe, Brazili, Argjentina dhe Korea Jugore. Por SHBA-të dhe Gjermania kanë përjetuar rritje të lehtë të spamit.

McAfee gjithashtu thekson se numri i kompjuterëve në botnetët e ndryshëm, respektivisht në rrjetat e kompjuterëve të infektuar nga softueri keqbërës që keqpërdoren për aktivitetet kriminale, është rritur gjatë nëntorit dhe dhjetorit, pasi që kishte shënuar rënie gjatë muajit korrik. Në mesin e botnetëve më aktivi ishte Cutwail, derisa Lethic ka shënuar rënie.

Theksohet se numri i faqeve keqdadshëse të cilat janë zbuluar gjatë çerekut të katërt është rritur në 9,300 në dite, nga 6,500 gjatë çerekut të tretë. Mesatarisht një nga 400 adresa të internetit të kontrolluara përmbante përmbajtje malinje. Shumica e faqeve malinje ndodheshin në SHBA, ndërsa Amerika Veriore merr pjesë me madje 73% në mesin e serverëve të faqeve malinje.

Shikuar në tërësi përmbajtjet malinje gjatë çerekut të katërt ishin në rënie, por numri i ekzemplarëve unik të softuerit keqdashës të regjistruara nga McAfee ka tejkaluar shifrën prej 75 milion gjatë vitit të kaluar, që është dukshëm më shumë se që pritej. Në veçanti theksohet se një pjesë e madhe e tyre ishte softuer i dedikuar për pajisjet mobile, më së shumti për ato të bazuara në Android.