Perezi ‘frikësohet’ nga Al-Khelaifi, PSG kërkon seriozisht Zidanen

Presidenti i Real Madridit, Florentino Perez është duke u përballur me një sulm bërthamor nga Paris Saint-Germain për trajnerin e tyre, Zinedine Zidane.

Sipas mediumit spanjoll Diario Gol, presidenti i PSG-së, Nasser Al-Khelaifi dëshiron të sjellë trajnerin e Realit, Zinedine Zidane në Francë në sezonin e ardhshëm.

Lexo po ashtu FIFA publikon tre trajnerët kandidat për më të mirin e vitit 2017 (Foto)

Zidane sapo ka rënë dakord për një kontratë të re në Realin, por kjo nuk e ka bindur Al-Khelaifin të heq dorë nga shërbimet e trajnerit francez.

Mediumi spanjoll thekson se PSG janë të gatshëm ta bëjnë Zidanen trajnerin më të paguar në botën e futbollit vetëm për ta bindur.

Paga që gjiganti francez mendon t’ia ofroj Zidane thuhet se krahasohet me atë të Neymarit dhe Lionel Messit si një nga më të paguarit në nivelin evropian.

Kontakti është bërë tashmë, por Zidane thuhet se ka këmbëngulur për Al-Khelaifin se ai nuk është gati ta drejtoj ‘anijen parisiene’.

Lexo po ashtu PSG dëshiron ta bëjë Zidanen trajnerin më të paguar në botë, i ofron pagë në nivel të Messit dhe Neymarit

Megjithatë, dera nuk është mbyllur, por Zidane i ka thënë presidentit të PSG-së se për momentin fokusi mbetet në Real Madrid.

Një thënie e vjetër thotë se “ku ka tym ka edhe zjarr” dhe Perez ka të drejt të frikësohet për humbjen e trajnerit të tyre. /Telegrafi/