Për përvjetorin jubilar, Telegrafi po sjell risinë e parë

15 vite më parë, në dhjetor të vitit 2006, nxitur nga zhvillimet inovative teknologjike që po transformonin botën, u themelua portali i parë në gjuhën shqipe, Telegrafi.com, për ta revolucionuar mënyrën se si e marrim informacionin.

Me një audiencë mujore prej miliona vizitorëve shqiptarë nga anë e kënd bota, dëshira dhe etja për shërbim më të mirë ndaj lexuesve vetëm sa shtohej. Andaj, përgjatë viteve ne arritëm që të sjellim risi të ndryshme inovative duke përfshirë:

• Ndjekjen e trendeve globale në çdo hap në aspektin e dizajnit dhe strukturës
• Aplikacionin e parë medial për smartphone (iOS & Android)
• Platformën Telegrafi Jobs që e lehtëson lidhjen mes punëdhënësit me punëmarrësin
• Shërbimet më inovative të marketingut si Native Ad, Content Marketing, Video Marketing, etj.
• Zhvillimin e redaksisë me një ekip profesional prej 60 punonjësve dhe zgjerim të rubrikave për t’iu përshtatur kërkesave të lexuesve
• Zyret e reja duke i adaptuar teknologjitë e avancuara Smart për t’i ofruar kushtet më moderne për ekipën dhe partnerët

Përkushtimi për të lëvizur para na bën të pandalshëm nga rrethanat, e veçanërisht në këtë vit jubilar të kompanisë, ku së bashku përgjatë tërë vitit do t’i festojmë të arriturat përmes risive që shoku juaj i ngushtë do t’jua sjell!

Kështu, gjatë së shpejti do ta lansojmë platformën e re, e cila do të ketë vetëm një synim: kursimin e xhepit të të gjithë juve! Me një infrastrukturë digjitale moderne dhe kapacitete të shtuara, platforma unike do të jetë pjesë e portalit Telegrafi.

Si një urëlidhëse mes lexuesit e informacionit; punëtorit e punëdhënësit; biznesit e marketingut superior, inovacioni i radhës përfshin lehtësimin e krizës ekonomike të bizneseve pas pandemisë COVID-19, duke sjell platformën e cila në botën globale është dëshmuar për rritje të shitjeve.

Përmes kësaj platforme, ne synojmë të kemi ndikim pozitiv në shoqëri, duke kontribuar në zhvillimin dhe përshpejtimin e shitjeve dhe E-commerce në Kosovë.

Për më shumë, klikoni KËTU

Tik-tak, tik-tak, tik-tak…