Paul Pogba me fjalë të përzgjedhura për Cristiano Ronaldon

Paul Pogba ka folur për Cristiano Ronaldon, i cili u largua në mënyrë të ashpër nga Manchester United pas intervistës së tij shpërthyese dhe kontroverse me Piers Morgan.

Ylli 37-vjeçar pritet t’i bashkohet skuadrës së Arabisë Saudite, Al-Nassr, por duke reflektuar për ish-bashkëlojtarin e tij, 29-vjeçari ishte plot lëvdata për portugezin dhe qëndrimin e tij.

“Disiplina e Ronaldos ishte e pabesueshme – nuk e kam parë kurrë këtë”, ka deklaruar Pogba.

“Disiplina është në një nivel tjetër. Unë shoh lojtarë profesionistë, shumë lojtarë, ata janë shumë profesionistë, vijnë herët, të gjithë bëjnë rikuperime dhe gjëra të tilla”.

“Por, dikush që ka qenë aty çdo ditë dhe nuk ndalet – ky është Cristiano”.

“Çdo ditë! Disa ditë ju jeni si, unë jam mirë! Mirëpo, atij nuk i mungon një ditë. Disiplina e tij për ta bërë atë çdo ditë – kjo është diçka që pak kush mund ta arrijë”, ka shtuar më tej anëtari i Juventusit.

Mbetet të shihet se ku do të përfundojë pesë herë fituesi i Topit të Artë, por një gjë është e sigurt se ai ka ende potencialin për të ndikuar në botën e futbollit. /Telegrafi/