Pasi pronari nuk pranoi ta ri-blinte veturën, amerikani ia demoloi sallonin e automobilave

Një ngjarje e pazakontë ndodhi në shtetin e Utah, SHBA, kur një burrë përplasi veturën e tij në sallonin e një shitësi automjetesh, pasi iu refuzua mundësia për të kthyer automjetin që e kishte blerë vetëm disa orë më parë.

Sipas autoriteteve, burri kishte blerë automjetin, por gjatë marrëveshjes, i ishte bërë e qartë se, sipas kushteve të kontratës, vetura nuk mund të kthehej.

I zhgënjyer dhe i zemëruar nga refuzimi, ai nuk e pranoi këtë vendim dhe kërcënoi se do të shkatërronte zyrat e sallonit të automjeteve nëse nuk i pranohej kërkesa për kthimin e veturës.

A man rammed a car dealership after being refused a return of a recently purchased car

The incident occurred in the U.S. state of Utah. The man was informed he could not return the car, just hours after purchasing the vehicle, as it was sold “as-is.” Frustrated, he warned the… pic.twitter.com/MnGunNuoYj

— NEXTA (@nexta_tv) December 10, 2024

Sipas dëshmive, burri i kishte paralajmëruar zyrtarët e sallonit përpara se të merrte veprime drastike.

Pavarësisht kërcënimit të tij, autoritetet e sallonit i refuzuan kërkesën ndërsa burri e realizoi premtimin në mënyrë të dhunshme.

Ai hodhi veturën nëpër dyert e sallonit, duke shkatërruar pasurinë e biznesit dhe duke shkaktuar dëme të konsiderueshme në objekt.

Pas incidentit, burri u arrestua nga policia dhe tashmë përballet me akuza të rënda për shkatërrim të pasurisë dhe rrezikim të jetës së të tjerëve. Autoritetet po hetojnë ngjarjen dhe mund të ketë pasoja shtesë ligjore për veprimet e dhunshme. /Telegrafi/