“Partneri Ideal” i Edona Llonçarit – një libër i vogël i dashurisë sonë të madhe

Çdokush që është në kërkim të një libri të shkurtër, por mjaft domethënës dhe ka nevojë për një drejtim të ri në jetë, duhet të lexojë këtë manual të shkëlqyer

Nënë e tre fëmijëve, afariste, përkthyese, këngëtare – Edona Llonçari, me origjinë nga Peja e me vendbanim në Bruksel të Belgjikës sapo ka nxjerrë në treg librin apo doracakun e saj të parë. Ajo këtë manual e titulloi “Partneri Ideal”.

Në këtë libër ajo ka përmbledhur disa këshilla, rekomandime për gjininë mashkullore në lidhje me mënyrën e trajtimit të partneres në mënyrë që të ketë më shumë harmoni, dashuri, mirëkuptim në qift.

Debati për partnerët, për natyrën e tyre, ka ngjallur interesin tonë në çdo kohë, diskutimi bëhet veçanërisht në kohët në të cilat jetojmë, kur çiftet, si kurrë më parë, përpiqen ta kuptojnë veten edhe kur vihen në dyshim rolet gjinore dhe marrëdhëniet e tyre të ndërsjella. Kësisoj, shpesh i ndërlikojmë gjërat sepse biem në kontakt me barrën e së shkuarës dhe me idetë tona të “rrënjosura” se cili duhet të jetë partneri ideal.

Kjo është një temë me rëndësi praktike për autoren e librit, e cila premton të na japë informacione të dobishme që mund t’i zbatojmë drejtpërdrejt për veten tonë dhe për marrëdhëniet e ndërsjella që kemi, përcjell Telegrafi.

Ne kemi shumë ide të gabuara, të cilat i krijojmë nga eksperiencat e këqija që kalojmë, aty ku shkrihen ëndrrat joshëse dhe realiteti zhgënjyes. Por, duke lexuar këtë manual, do të mësoni shumë gjëra të reja, do të përjetoni eksperiencën e autores dhe do të udhëtoni në mendimet e saj.

Edona me një gjuhë shumë të thjeshtë, na jep një mësim për jetën dhe marrëdhëniet pasiononte në detin e kohës kur çiftet mund të gjenden në një kurth romantik të pamundur. Ju do të ndryshoni, duke kapërcyer pragun e portës që ju lidh me veten dhe, fare në fund, xhelozia, ankthi, frika, pasiguria, urrejtja, zemërimi tashmë do të jenë pjesë e së shkuarës.

Me zgjuarsinë dhe mirëkuptimin e saj karakteristik, autorja na bën t’u rezistojmë modeleve të pashëndetshme të mendimit dhe sjelljes në marrëdhëniet e dashurisë dhe të rizbulojmë kuptimin e dashurisë.

Plotësoni këtë libër me ndjenjat, kujtimet, vendet dhe ëndrrat që shënuan historinë tuaj të dashurisë dhe ai do të bëhet një thesar unik dhe autentik fjalësh, të cilit do t’i ktheheni gjithmonë me gëzim.

Të gjithë mund të përfitojnë nga ky libër, andaj Edona, ju fton ta lexoni. /Telegrafi/