Parashikimi i motit në Shqipëri

Shërbimi Meteorologjik Ushtarak bëri të ditur se ditën e enjte territori i Shqipërisë do të ndikohet nga kushte atmosferike relativisht të paqëndrueshme si rezultat i aktivitetit të një qendre të ulët presioni e pozicionuar mbi Brigjet e Egjeut.

Moti parashikohet fillimisht i kthjellët ndërsa nga orët e mesditës e pasdite priten shtim të vranësirave mesatare deri të dendura. Duke filluar nga orët e mesditës deri pasdites vranësirat do të pasohen nga reshje shiu me intensitet të ulët në pothuajse të gjithë territorin.

Në zonat urbane dhe përgjatë pjesës lindore të vendit reshjet do të jenë me intensitet deri mesatar në formën e rrebesheve të shpejta dhe shtrëngatave të herëpasherëshme, afatshkurtra me shkarkesa elektrike dhe breshër. Në orët e pasdites vonë reshjet humbasin intensitet e territor e më pas ndërprerje në të gjithë territorin.

Era do të fryjë me drejtim verilindje – veriperëndim me shpejtësi mesatare 1-7m/sek, ndërsa në lugina, male e përgjatë vijë bregdetare era fiton shpejtësi deri 8-10m/s, shoqëruar me valëzim në dete të forcës 1-3ballë.

Temperaturat parashikohen nga 17 në 36 gradë Celsius. /Telegrafi/