Osmani: Është vonë që ta shfuqizojmë Qeverinë e Përzhinos para zgjedhjeve

“Jemi shumë vonë për ndryshimit të rregullave të lojës në momentin e fundit”, tha sot ministri i Jashtëm dhe nënkryetar i BDI-së, Bujar Osmani, pasi OBRM-PDUKM-ja kërkoi shfuqizimin e Qeverisë së Përzhinos.

Sipas Osmanit, nuk mund të ketë ndryshime të modelit për këto zgjedhje dhe është shumë e rëndësishme që në mbledhjen e radhës të liderëve në dhjetor të arrihet konsensus, nëse zgjedhjet do të mbahen të përbashkëta apo të ndara.

Siç theksoi ai, BDI-ja ende nuk ka vendosur se kush do të jetë kryeministër në qeverinë teknike dhe ndoshta do të vendoset në fillim të dhjetorit.

“Unë si nënkryetar i një partie do të pajtohesha me tërheqjen e qeverisë së Përzhinës për zgjedhjet e ardhshme, por jo në këto zgjedhje. Jemi thjesht shumë vonë për të ndryshuar rregullat e lojës në minutën e fundit. Tani në këto zgjedhje vazhdojmë me të njëjtat rregulla loje sipas marrëveshjes dhe madje edhe gjatë formimit të koalicionit”, tha Osmani.

Vlerësimi i tij është se lideri i OBRM-PDUKM-së nuk është kundër qeverisë teknike për shkak të ministrave dhe zëvendësministrave, por për shkak të kryeministrit shqiptar.