I jashtëzakonshëm ka qenë rikthimi i Real Madridit në udhëtimin te Valencia, ku triumfoi me dy gola të shënuar në minutat e fundit.
Paraqitja e Los Blancos është vlerësuar me notë mesatare më të lartë se skuadra vendase që e pati epërsinë deri në çastet e fundit të takimit.
Dyshja Karim Benzema (8.4) dhe Viniciues Junior (8.3), të cilët bënë përmbysjen sensacionale, janë lojtarët me notat më të larta.
Është vlerësuar edhe portieri vendas, Giorgi Mamardashvili (7.0), që pengoi humbjen e ekipit të tij me rezultat më të thellë.
SofaScore ka bërë vlerësimin e plotë të lojtarëve të të dyja skuadrave në takimin Valencia 1-2 Real Madrid. /Telegrafi/