Nora Gjakova merr medaljen e argjendtë në Grand Slamin e Bakut, nuk paraqitet në finale shkaku i lëndimit

Xhudistja jonë, Nora Gjakova është detyruar të mos paraqitet në finalen e Grand Slamit që po mbahet në Baku të Azerbajxhanit, shkaku i një lëndimi në pësuar në gjysmëfinale.

Nora ishte afër të merrte medaljen e artë në Grand Slamin e Bakut në kategorinë deri në 57 kilogramë, pasi ishte e pandalshme në çdo luftë.

Megjithatë, xhudistja pejane duhet të kënaqet me medaljen e argjendtë, pasi nuk mund të paraqitet në finale shkaku i lëndimit.

Lexo po ashtu Nora Gjakova ‘demolon’ kundërshtaren serbe, kalon në gjysmëfinale të Grand Slamit të Bakut

Është vet faqja zyrtare e Federatës së Xhudos, e cila ka konfirmuar se Nora u dëmtua në gjysmëfinale.

“Nora Gjakova fiton medaljen e argjendtë në Grand Slam Baku 2024”.

“Nora Gjakova ishte e pandalshme deri në finale të Grand Slam Baku 2024 ku për arsye të lëndimit është detyruar ta ndërpres  garën dhe të merr medaljen e argjendtë”, thuhet në njoftim.

Ndryshe, pejania mposhti gjeorgjianen Nino Loladze në luftën e parë, Acejla Toprak të Azerbajxhanit në të dytën, serben Marica Perisic në çerekfinale dhe holandezen Julie Beurskens në gjysmëfinale.

Në finale, Gjakova do të ndeshje me kanadezen Christa Deguchi, por ishte e pafat. /Telegrafi/