Fushata zgjedhore e cila zyrtarisht nisi dje, po konsiderohet nga ekspertët vendorë si një ndër fushatat më së paku kreative e atraktive. Megjithatë, duket se nga kjo situatë kanë përfituar biznese dhe kompanitë e kreativitetit, të cilat po krijojnë kampanja të tëra duke u bazuar në zhvillimet e fundit politike.
Një “fushatë politike” që ka rënë ditët e fundit në sy është ajo e Pizza Crust, të cilët kanë vendosur që çdo ngjarje politike që po zhvillohet në Kosovë, ta shndërrojnë në burim inspirimi për kampanjën e tyre, të ashtu quajtur fushatë gastronomike, madje, për më tepër, edhe duke e nxjerrë Picën e tyre si kandidate për kryeministre.
Kjo fushatë është ideuar deri në detaje dhe në një linjë me zhvillimet që po ndodhin në Kosovë, përfshirë sloganet, listat zgjedhore, tubimet dhe zyrtarizmin e fushatës, gjë që ka ngjallur interesim të ndjekësit.
Mbetet të shihet se me çfarë niveli të kreativitetit dhe çfarë idesh të reja do të sjellin kompanitë e kreativitetit, inspiruar nga zhvillimet politike të ardhshme.
