Yje të mëdhenj të futbollit botëror kanë mbetur pa u ftuar nga trajneri i Spanjës, Luis Enrique, për Kupën e Botës “Katar 2022”.
Enrique më në fund zbuloi listën e të thirrurve për Kampionatin Botëror të Katarit, i cili fillon me 20 nëntor.
Shumë lojtarë spanjollë e prisnin fatin e tyre, por vetëm 26 prej tyre janë zgjedhur nga trajneri asturian.
Në fakt, potenciali i futbollit spanjoll është aq i madh sa mund të krijohet një skuadër e nivelit të lartë me disa nga lojtarët e ‘përjashtuar’ nga Enrique.
Emra si Sergio Ramos, Thiago Alcantara, David de Gea dhe Marc Cucuralla janë vetëm disa nga ata që nuk janë ftuar për “Katar 2022”.
Gazeta spanjolle Marca ka publikuar një formacion me yjet që nuk janë ftuar nga Enrique dhe ky me të vërtetë është një formacion shumë i fortë.
Kepa Arrizabalaga, Hector Bellerin, Inigo Martinez, Mikel Merrino, Fabvian Ruiz, Sergio Canales, Iago Aspas dhe Gerard Moreno gjenden në 11-she. /Telegrafi/
😢 El once de 'olvidados' por Luis Enrique para #Qatar2022 pic.twitter.com/Z5wy3Xv9VK
— MARCA (@marca) November 11, 2022