Duhet t’ju ketë ndodhur që të zgjoheni natën dhe të mos t’ju zërë gjumi. Mësoni çfarë nuk duhet të bëni për të fjetur më shpejt.
Ka një sërë arsyesh pse mund të zgjohemi natën. Megjithatë, cilido qoftë shkaku, nëse zgjoheni shpesh natën, duhet të shmangni dy gabime.
Ekspertja e gjumit, Biquan Luo, ka treguar për New York Post se çfarë do t’ju ndihmojë të flini më shpejt pasi të zgjoheni gjatë natës.
“Gjëja më e mirë për të bërë nëse zgjoheni në mes të natës është të qëndroni të vendosur. Përpiquni të relaksoheni dhe të flini përsëri. Mund të provoni edhe disa teknika gjumi, si ushtrimet e frymëmarrjes dhe të dëgjoni zhurma të lehta”, ka thënë ajo.
Nëse akoma nuk mund të flini, doktoresha Luo këshillon të prisni 10 deri në 15 minuta para se të ngriheni nga shtrati.
“Përpiquni të shkoni në një vend të qetë dhe të rehatshëm, si divani dhe të lexoni një libër ose të bëni diçka qetësuese derisa të bini përsëri në gjumë”, ka shtuar ajo.
Ajo që nuk duhet ta bëni kurrsesi është ta merrni telefonin ose ta shikoni orën.
“Kontrollimi i kohës mund ta rritë stresin dhe ta vështirësojë gjumin. Telefoni mund të jetë shumë stimulues, gjë që ju pengon më tej të relaksoheni dhe të bini në gjumë”, ka sqaruar Luo. /Telegrafi/