Në Spitalin e Pejës 58 pacientë me coronavirus, 15 në gjendje më të rëndë shëndetësore

Në Spitalin e Përgjithshëm të Pejës po trajtohen 58 pacientë të infektuar me COVID-19, Prej tyre 15 janë në gjendje më të rëndë shëndetësore, 44 të tjerë janë në oksigjenoterapi dhe dy pacientë janë në respirator.

Në njoftim thuhet se gjatë 24 orëve të fundit janë shëruar tre pacientë.

“3 Pacientë janë shëruar gjatë 24 orëve të fundit nga COVID-19 në Spitalin e Përgjithshëm në Pejë. Aktualisht po trajtohen 58 pacientë me COVID-19. Sa i përket gjendjes së pacientëve, 2 janë në Respirator, 44 pacientë janë në Oksigjeno terapi dhe nga këta 15 pacientë janë në gjendje më të rëndë”, njoftojnë nga spitali.

Gjatë 24 orëve të fundit në Spitalin e Përgjithshëm në Pejë, 185 pacientë kanë marrë trajtim emergjent shëndetësorë, ndërsa 19 pacientë janë shtrirë për trajtim të mëtejmë.

4 lindje kanë qenë gjatë 24 orëve të fundit në Spitalin e Përgjithshëm në Pejë, 2 normale dhe 2 me prerje cezariane. Janë lindur 4 foshnje, 2 të gjinisë mashkullore dhe 2 të gjinisë femërore.

203 pacientë kanë kryer analiza, që në total kanë bërë 2,277 analiza, ndërsa janë kryer 5 Operacione.

Gjatë 24 orëve të fundit janë kryer 112 shërbime Radiologjike, dhe prej tyre 87 Rëntgena, 14 EHO dhe 11 CT-ja. /Telegrafi/