Në rastin ‘Çekani’ përcaktohet dënimi i përgjithshëm prej 53 vitesh

Pas aktakuzës së ngritur nga Prokuroria Publike për krim të organizuar dhe korrupsionit dhe seancave të mbajtura që janë kryer me dëshmi të propozuara, sot Gjykata Themelore Shkup 1 ka publikuar vendimet e atyre të akuzuarve për kryerjen e krimeve “Fajde” dhe “Grabitje”, transmeton Telegrafi Maqedoni

Gjithsej të akuzuarve u është caktuar dënim me burg prej 53 vite e 6 muaj, dhe atë në mënyrë individuale:

– I pandehuri F.A. dënimi me burg prej 11 vjet e 6 muaj

– I pandehuri A.M. 8 vjet e 6 muaj

– I.A. është dënuar me burg prej 7 vjet e 6 muaj

– R.S. me 9 vjet e 3 muaj

– F.M. 11 vjet e 6 muaj

– Z.A. 2 vjet e 6 muaj

– Sh.B. i cili si komandant i stacionit të policisë ndihmoi të të dyshuarit tjerë për kryerjen e krimeve në periudhën nga viti 2009 deri në vitin 2012 u dënua me 2 vjet e 9 muaj.

Për shtatë nga tetë të dënuar, Prokurori propozoi vazhdimin e paraburgimit derisa aktgjykimi të merr vendim të prerë, duke vlerësuar pasur se ka bazë ligjore për ta bërë këtë.

Në temën “Çekani” është kapur grupi kriminal që vepronte në mënyrë të vazhdueshme nga viti 2008, kryesisht në komunën e Gostivarit. Motivi kryesor ishte përfitimi i paligjshëm të përdorimit të pronës në shumë vepra penale dhe shumë krime. Të pandehurit e paautorizuar ka kohë që janë marrë me dhënien e fajdeve në të holla me kontratë, duke shfrytëzuar gjendjen e vështirë të personave si argument, fitime të tepruara. Për shpagim ata kanë kryer presione, duke përdorur kërcënime serioze dhe sulmeve fizike mbi viktimat.

Në grupin kriminal janë ndjekur penalisht 21 persona, nga të cilët tre të dyshuar Prokuroria ka arritur marrëveshje për pranim të fajit gjatë hetimeve. Me një person ka arritur marrëveshje në fazën e vlerësimit të aktakuzës.

Lënda për tre persona është transferuar në trajtimin kompetent të Zyrës së Prokurorisë Publike – Gostivar, kurse për pesë të tjerë është sjellur një Urdhër për ndalimin e hetimit. /Telegrafi/