Këtë të dielë do të mbahet finalja e kampionatit botëror, Fiba World Cup.
E kjo ngjarje e cila ndiqet me interesim edhe nga shumë njerëz në Kosovë, do të ndiqet live përmes një “watch party” që do të organizohet në kryeqytet.
Bëhet fjalë për eventin e organizuar nga 3×3 Prishtina në partneritet me Hyper Active.
Eventi do të fillojë në orën 13:00 dhe mbahet në ambientet e HyperActive në Prishtina Mall (Kati i dytë).
Krahas organizimit, do të ndahen edhe shumë shpërblime si: 10 nga 50 euro giveaway nga HyperActive dhe tri fanella sportive nga 3×3 Prishtina.
Në kuadër të aktivitetit do të përfshihen lojëra, dhurata dhe muzikë të shoqëruar nga DJ Enndzi. /Telegrafi/