Në BE, një në katër njerëz rrezikohet nga varfëria

Në Bashkimin Europian, një në katër njerëz rrezikohet nga varfëria. Komisioni Europian ka dhënë alarmin. Në një konferencë për të drejtat sociale në Europë, Komisioni apelon për një përgjigje ndaj kësaj problematike përpara se të jetë tepër vonë.

Nga ana tjetër, të dhënat e fundit tregojnë se, 10 për qind e atyre në marrëdhënie pune paguhen shumë pak. Varfëria e fëmijëve nga ana tjetër fiksohet në 27 për qind. Kjo e dhënë është mjaft shqetësuese, nënvizon Komisioni Europian, dhe Europa duhet të gjejë një zgjidhje menjëherë.

Krahu ekzekutiv i Bashkimit Europian i kërkon vendeve anëtare që të fillojnë të marrin masat, sidomos në drejtim të pagave, të garantojnë aksesin e qytetarëve në shërbimet bazë, si psh e drejta për të pasur një shtëpi, si dhe masa të drejta në kuadër të luftës ndaj varfërisë.

Komisionerja europiane për punësimin dhe çështjet sociale premton një ndryshim rrënjësor të kursit të politikave në këtë drejtim. Por, Komisioni Europian, i vetëm dhe pa ndihmën e vendeve anëtare nuk mund t`ia dalë. /Telegrafi/