Më në fund, SHBA jep një shpjegim për aktivitetin e dyshimtë të dronëve

Sekretari i Sigurisë Kombëtare, Alejandro Mayorkas ka ofruar një shpjegim të mundshëm për rritjen e kohëve të fundit të dronëve përgjatë bregut lindor – veçanërisht në New Jersey – të cilët kanë shkaktuar shqetësim tek banorët.

Raportet e dronëve nëpër New Jersey dhe shtetet fqinje, sipas Mayorkas, mund të jenë rezultat i një ndryshimi rregullash nga Administrata Federale e Aviacionit.

“Në shtator të vitit 2023, Administrata Federale e Aviacionit, FAA, ndryshoi rregullat në mënyrë që dronët të mund të fluturonin natën”, tha Mayorkas.

“Dhe kjo mund të jetë një nga arsyet pse tani njerëzit po shohin më shumë dronë sesa më parë, veçanërisht nga agimi në muzg”, shtoi ai.

FBI njoftoi se ka marrë mbi 300 raportime në lidhje me dronët javët e kaluara, shumica e të cilave gjatë natës.

Edhe në rrjete sociale përdoruesit kanë shpërndarë video të atyre që dyshojnë se janë dronë.

Homeland Security Secretary Alejandro Mayorkas tells @GStephanopoulos that his agency knows “of no foreign involvement with respect to the sightings in the Northeast” of aerial drones.

“We are vigilant in investigating this matter.” https://t.co/EyuPQmaS8n pic.twitter.com/KiLQoU8pgU

— This Week (@ThisWeekABC) December 15, 2024

Disa nga këto klipe, megjithatë, kapnin thjesht aktivitet normal të aeroplanëve.

Por, pavarësisht nga një sërë alarmesh të rreme, sekretari i Sigurisë Kombëtare pranoi se “nuk ka dyshim se dronët po shihen”.

Lexo po ashtu Dronë misterioz fluturojnë mbi New Jersey, FBI nis hetimet

Sipas tij, “mijëra” aeroplanë pa pilot po fluturojnë në SHBA çdo ditë dhe “më shumë se një milion dronë” janë të regjistruar në mbarë vendin.

Ndërsa agjencitë e zbatimit të ligjit ende nuk e kanë identifikuar burimin e saktë të dritave, FBI dhe Siguria Kombëtare deklaruan se nuk kishte “asnjë provë në këtë kohë që pamjet e raportuara të dronëve paraqesin një kërcënim për sigurinë kombëtare ose sigurinë publike ose kanë një lidhje të huaj”.

“Dua të siguroj publikun amerikan se ne në qeverinë federale kemi vendosur burime, personel, teknologji shtesë për të ndihmuar policinë e New Jerseyt në adresimin e pamjeve të dronëve”, vazhdoi Mayorkas.

Lexo po ashtu Aktiviteti i dyshimtë i dronëve, SHBA mbyll hapësirën ajrore mbi bazën më kritike ushtarake

Bëhet e ditur se udhëheqësi i shumicës në Senat, Chuck Schumer i kishte kërkuar Mayorkas të vendoste një sistem “të veçantë të zbulimit të dronëve” si në New Jersey ashtu edhe në New York.

Sistemi ka një teknologji 360 gradë, “që ka një shans shumë më të mirë në zbulimin e dronëve”.

Ndryshe, lëvizja vjen dy ditë pasi pistat në aeroportin ndërkombëtar të New Yorkut Stewart u mbylllën për një orë pasi një dron u pa në afërsi.

Përgjigja e qeverisë federale, ndërkohë, ka ndezur kritika dhe teori konspirative, me disa që akuzojnë zyrtarët për “gënjeshtra” ose fshehje informacioni.

“Ata po na gënjejnë. Së pari, ata thonë se ju nuk po shihni atë që po shihni. Nuk ka asgjë këtu, asgjë këtu për t’u parë. Dhe pastaj ata na thonë se nuk e dinë se çfarë është”, tha asambleisti i New Jerseyt, Erik Peterson.

N.J. Assemblyman Eric Peterson on the feds saying the “drones” aren’t a safety threat: “They’re lying. That’s the long & the short of it. They‘re lying to us … they don’t have the moral fortitude, or the courage, to be honest w/ the American people & tell us what’s going on” pic.twitter.com/TGamOtJhuc

— Tom Elliott (@tomselliott) December 14, 2024

Politikanja Marjorie Taylor Greene shkoi aq larg sa pretendoi se qeveria qëndronte pas dronëve.

“Qeveria është në kontroll të dronëve dhe refuzon t’i tregojë popullit amerikan se çfarë po ndodh. Është me të vërtetë kaq e keqe”, shkroi ajo në X.

The government is in control of the drones and refuses to tell the American people what is going on.

It really is that bad.

— Rep. Marjorie Taylor Greene🇺🇸 (@RepMTG) December 15, 2024

Teoria e Greene u bëri jehonë akuzave të transmetuara nga presidenti i zgjedhur Donald Trump, i cili sugjeroi që të rrëzoheshin dronët misterioz nëse ishte e nevojshme dhe sugjeroi që administrata e Bidenit po mbante informacione në lidhje me pamjet.

“Shikime misterioze të dronëve në të gjithë vendin,” shkroi Trump në Truth Social.

“A mund të ndodhë vërtet kjo pa dijeninë e qeverisë sonë? Unë nuk mendoj kështu! Njoftoni publikun. Përndryshe, rrëzoni ato”, vazhdoi ai.