Ndryshimet në trup të cilave duhet t’u kushtoni vëmendje

Dyshimet e pa baza mund të ndikojnë shumë në jetë. Por, çka nëse me simptomat e parrezikshme jeni duke injoruar disa simptoma më serioze që janë duke treguar për ndonjë sëmundje të caktuar?

Është me vend t’i dini këto ndryshime dhe të jeni në gjendje të vëreni nëse diçka nuk është duke vajtur mirë dhe ta vizitoni doktorin.

Ne kemi vendosur t’ju tregojmë se cilave shenja në trup u duhet kushtuar kujdes patjetër, transmeton Telegrafi.

Tharjet dhe çarjet e buzëve

Lëkura e thatë është një nga shenjat e alergjisë. Në këtë rast duhet t’i kushtoni më shumë kujdes produkteve kozmetike dhe higjienike që jeni duke përdorur, ushqimi që hani, dhe ilaçeve. Të çarat në qoshet e buzëve janë duke treguar se keni mungesë të vitaminës B, A, dhe E. Nëse gjithashtu keni sy të thatë, gojë të thatë, dhe probleme me sistemin e tretjes, është mirë ta vizitoni doktorin sepse mund të jetë një kombinim specifik i simptomave të sëmundjeve imunitare.

Rënia e vetullave

Jo vetëm që janë në trend vetulla e trasha, por ato gjithashtu mund të jenë një tregues shëndetësor. Rënia e vetullave është mjaft normale, por nëse vëreni një rënie masive dhe shfaqje e zonave të zbrazura në zonën e vetullave, kontaktoni doktorin menjëherë. Kjo simptomë mund të jetë e lidhur me nivelin e aktivitetit të tiroideve.

Thembra të thara

Lëkura në këmbë bëhet e thatë në mungesë të vitaminës A dhe E. Mund të shkaktohet edhe nga prezenca e infeksioneve kërpudhore që ndikojnë në gjendjen e epidemisë. Simptomat e zakonshme janë çarjet në shputë dhe zverdhja e thonjve. Nëse thatësia dhe fortësia nuk zhduken edhe në rast të përkujdesjes dhe marrjes vitaminave, mund të jetë shenjë e problemeve endokrine.

Duar të thara dhe lëkurë e tharë në trup

Tharja e lëkurës së duarve është e zakonshme në sezonet e ftohta, por përdorimi i zbutësve, konsumimi më i tepërt i ujit dhe marrja e vitaminave mund të ndihmojnë. Nëse situatat e përmendura më lart nuk ndihmojnë fare, më mirë vizitoni dermatologun sepse lëkura e thatë zakonisht është shenjë e diabetit dhe hipotieroideve.

Çarja e thonjve

Të gjithë jemi të vetëdijshëm se sa të shëndetshëm mund të duken thonjtë. Çdo ndryshim në ngjyrën ose strukturën e tyre është shenjë alarmuese. Thonjtë e hollë dhe të zbehët mund të jenë shenjë e anemisë dhe mungesës së hekurit në trup, përderisa zverdhja e mund të tregojë çrregullime në mëlçi dhe çrregullime të traktit ose ndonjë infeksion fungal. Shenjat vijat e bardha mund të shkaktohen si mungesë e zinkut.

Skuqjet në fytyrë

Nëse përjashtojmë ndryshimet fiziologjike siç janë: temperatura, masazhet, ose konsumimi i alkoolit, janë tri arsye të ndara se pse skuqet fytyra. Për gratë pas të 40-tave, është e zakonshme të kenë rritje të nivelit të hormoneve që tregon fillimin e menopauzës. Fytyra e kuqe gjithashtu mund të tregojë prezencën e infeksioneve të shkaktuara nga demodikosisit. Skuqjet parciale që shkojnë së bashku me sulmet e rastësishme të sëmundjeve mund të jenë shenjë e luhatjeve të tensionit që mund të normalizohen me ndihmën e doktorit. /Telegrafi/