Modeli nga Chevrolet testohet për përplasje të mundshme

Chevrolet Groove është një veturë e vogël që nuk e njohin shumë njerëz.

Debutoi rreth katër vjet më parë dhe bëri përshtypje me çmimin e tij fillestar prej 12,000 dollarësh.

Në thelb është një Baojun 510 i rinovuar i prodhuar nga sipërmarrja e përbashkët SAIC-GM-Wuling.

Është eksportuar në tregjet në Amerikën Latine dhe Lindjen e Mesme ku mban simbolin Chevrolet, përcjell Telegrafi.

Më pak mbresëlënës është niveli i sigurisë që ofron në rast të goditjeve ballore dhe anësore, sipas testit të përplasjes së Latin NCAP.

Programi i Vlerësimit të Veturave të Reja për Amerikën Latine dhe Karaibe sapo i dha modelit një vlerësim zhgënjyes me zero yje.

Në një përplasje frontale, vetura shfaqi një “strukturë të paqëndrueshme”.

Në testin e goditjes anësore, ka pasur “ndërhyrje përkatëse në ndarjen e pasagjerëve”.

NCAP thekson se Groove ka vetëm katër airbag si standard, ndërsa sistemet e avancuara të ndihmës së shoferit nuk ofrohen as si pajisje opsionale.

Por, Chevy nuk është i vetmi emër i madh në industrinë e automobilave në këtë situatë delikate.

Një tjetër crossover i vogël, Toyota Raize, gjithashtu “fitoi” zero yje nga NCAP latine në fillim të këtij muaji. /Telegrafi/