Mickoski: Ndryshimet në Ligjin për organizimin dhe punën e organeve në administratën shtetërore kanë për qëllim zgjidhjen e problemeve reale të qytetarëve

Para zgjedhjeve që kaluan, ne premtuam një qeveri funksionale dhe efikase që do të zbatonte reformat dhe do të sillte një jetë më të mirë. Thelbi i këtij propozimi janë reformat në administratë, për të zgjidhur problemet reale të qytetarëve me politika dhe vendime efikase që do të sjellin një standard më të mirë jetese, paga më të larta, pensione më të larta, arsim më të mirë, mbrojtje sociale efektive, ekonomi të zhvilluar dhe për bujqësi, tha deputeti dhe kryetari i OBRM-PDUKM-së, Hristijan Mickoski, i cili dha shpjegime për ndryshimet në Ligjin për organizimin dhe punën e organeve në administratën shtetërore, i cili u prezantua në Kuvend pas procedurës së shkurtuar.

Mickoski kërkoi mbështetjen e të gjithë deputetëve.

“Këtë po e bëj në emër të mbështetjes së madhe që morëm në zgjedhje dhe në emër të reformave që duhet të bëjmë. Jemi zotuar që të ndërmarrim aktivitete që kanë për qëllim rishikimin dhe racionalizimin e rregullimit të organeve të administratës shtetërore me mundësinë e bashkimit apo shfuqizimit të organeve të caktuara shtetërore”, tha Mickoski./Telegrafi/